Gjykata Kushtetuese

Parashtruesit e kërkesave kanë pretenduar se me vendimet e kuvendeve komunale u janë shkelur të drejtat e njeriut si në vijim: Neni 21,1, neni 24 (1)dhe 124 (6) i Kushtetutës dy nga parashtruesit nuk kanë cekur ndonjë dispozitë kushtetuese, por kanë theksuar se janë shkelur të drejtat e njeriut në marrjen e dokumenteve personale, Më 3 dhjetor 2012, Gjykata mbajti seancë publike ku morën pjesë dhe u dëgjuan parashtruesit e kërkesave, Më 30 prill 2013, Komuna e Gjilanit ka njoftuar zyrtarisht Gjykatën Kushtetuese se në seancën e mbajtur më 23 prill 2013, ka nxjerrë vendimin për shfuqizimin e vendimit për kufizimin e ofrimit të shërbimeve me pagesën e faturave për mbeturina dhe ujë” duke i dërguar nëpërmes postës elektronike zyrtare kopjen e Vendimit 01 nr 16-35734 të 23 prillit 2013, Gjykata konsideron se nxjerrja e vendimeve nga ana e kuvendeve komunale për shfuqizimin e vendimeve paraprake për kufizimin e ofrimit të shërbimeve të caktuara administrative në komunat respektive prej nga vijnë parashtruesit e kërkesave dhe me të cilat pretendohen shkeljet e të drejtave të njeriut, gjatë kohës sa këto kërkesa kanë qenë në shqyrtim në Gjykatë, por gjithsesi para se Gjykata të marrë një vendim përfundimtar, tregon se pozita e parashtruesve të kërkesës ka ndryshuar në mënyrë të konsiderueshme dhe kërkesa tanimë nuk ka arsyetim, ndërsa qëllimi që kanë kërkuar të arrijnë, është arritur plotësisht, Në dritën e kësaj, Gjykata konsideron se nuk ka më merita për të shqyrtuar më tutje këtë çështje dhe vendos ta heqë nga Lista kërkesën në pajtim me rregullin 32,4 të Rregullores së punës