Gjykata Kushtetuese

Prishtinë,​​ më​​ 8​​ mars​​ 2024

Nr.​​ ref.:​​ KK​​ 138/24​​ 

Z.​​ Besim Kelmendi​​ 

U. D.​​ Kryeprokuror i Shtetit

Rr."Luan Haradinaj", Nr.100

10000, Prishtinë, Republika e Kosovës

Lënda:​​ ​​ Informim për Mospërmbarim​​ të Aktgjykimit​​ në rastin KI86/18,​​ të Gjykatës Kushtetuese​​ të Republikës së Kosovës,​​ parashtrues:​​ Slavica Đordević,​​ të​​ 3​​ shkurtit 2021

I​​ nderuari​​ U. D.​​ Kryeprokuror i Shtetit, z.​​ Kelmendi,​​ 

Gjykata Kushtetuese e Republikës së Kosovës,​​ sipas nenit 112 [Parimet e Përgjithshme] të Kushtetutës së Republikës së Kosovës,​​ është autoriteti përfundimtar në Republikën e Kosovës për interpretimin e Kushtetutës dhe të përputhshmërisë së ligjeve me Kushtetutën.​​ 

Bazuar në​​ paragrafin 1 të​​ nenit​​ 116 [Efekti Juridik i Vendimeve] të Kushtetutës, vendimet e saj janë të detyrueshme për gjyqësorin dhe të gjithë personat dhe institucionet e Republikës së Kosovës.​​ Në ndërlidhje me këtë​​ dispozitë​​ kushtetuese,​​ rregulli​​ 60​​ (Zbatimi i vendimeve)​​ i​​ Rregullores së Punës nr.01/2023​​ të Gjykatës Kushtetuese të Republikës së Kosovës​​ gjithashtu përcakton që:​​ (i)​​ të gjitha organet kushtetuese,​​ përfshirë​​ gjykatat e autoritetet​​ tjera, janë të obliguara të respektojnë, të jenë në përputhje dhe të zbatojnë vendimet e Gjykatës, brenda kompetencave të tyre të përcaktuara me Kushtetutë dhe me ligj;​​ dhe (ii) të gjithë personat fizikë dhe juridikë janë të obliguar të respektojnë vendimet e Gjykatës dhe t’u përmbahen atyre.​​ 

Për më tepër,​​ bazuar në paragrafët​​ 6 dhe 7 të rregullit 60​​ të Rregullores së punës:​​ (i) në rast të moszbatimit të një vendimi​​ ose të vonesës në dhënien e informacioneve për Gjykatën për masat e ndërmarra, Gjykata mund të​​ nxjerrë​​ një Aktvendim​​ për Mospërmbarim​​ në të cilin do të theksohet që vendimi nuk është zbatuar dhe të publikojë​​ të njëjtin​​ në Gazetë Zyrtare;​​ si​​ dhe (ii) të​​ njoftoj​​ Prokurorin e Shtetit për të gjitha vendimet e Gjykatës që nuk janë zbatuar.

Sipas autorizimeve​​ të​​ lartcekura,​​ përmes shkresave gjatë​​ viteve 2014, 2015,​​ 2019,​​ 2021​​ dhe 2022, Kryeprokurori i Shtetit​​ është​​ njoftuar për​​ moszbatimin e Aktgjykimeve të​​ Gjykatës:​​ (i)​​ KI08/09, parashtrues​​ Sindikata e Pavarur e Punonjësve të Fabrikës së Çelikut, IMK,​​ në Ferizaj, Aktgjykim i​​ 17 dhjetorit 2010;​​ (ii) KI112/12, parashtrues​​ Adem Meta,​​ Aktgjykim i 5 korrikut 2013;​​ (iii)​​ KI187/13, parashtruese​​ N. Jovanović,​​ Aktgjykim i 1 prillit 2014;​​ (iv) KI56/09, parashtrues​​ Fadil Hoxha dhe 59 të tjerë kundër Kuvendit Komunal të Prizrenit,​​ Aktgjykim i 22 shtatorit 2010; (v) KI132/15, parashtrues​​ Manastiri i Deçanit, Aktgjykim i 19 majit 2016; dhe (vi) KI90/16, me parashtrues​​ Branislav Jokić,​​ Aktgjykim i 5 dhjetorit 2017.

Bazuar në​​ autorizimet e​​ lartcekura të​​ përcaktuara në​​ Kushtetutë​​ dhe Rregulloren e​​ saj të​​ punës, Gjykata ka​​ bërë​​ rivlerësimin​​ e zbatimit të​​ Aktgjykimeve të​​ saj dhe pas​​ analizës​​ të​​ shkresave​​ përkatëse, gjithashtu ka konstatuar edhe mungesën e​​ konfirmimit të​​ zbatimit të​​ një​​ Aktgjykimi tjetër, dhe përkitazi me të cilin, për​​ pasojë​​ ka nxjerrë​​ Aktvendim​​ për Mospërmbarim​​ dhe​​ për të​​ cilin​​ Ju njoftojë​​ përmes kësaj shkrese.​​ 

Më​​ saktësisht, më​​ 13 shkurt 2024,​​ Gjykata​​ ka nxjerrë​​ Aktvendim për Mospërmbarim lidhur me​​ Aktgjykimin KI86/18, parashtrues:​​ Slavica Đordević,​​ të 3 shkurtit 2021, ku​​ ka vendosur​​ (i)​​ të konstatojë se​​ Aktgjykimi​​ në rastin​​ KI86/18​​ nuk​​ është​​ zbatuar​​ plotësisht​​ nga autoritetet përgjegjëse të Republikës së Kosovës;​​ (ii) të​​ publikojë Aktvendimin​​ për Mospërmbarim përkitazi me Aktgjykimin​​ në rastin​​ KI86/18;​​ si dhe​​ (iii)​​ ta njoftojë Prokurorin e Shtetit për nxjerrjen e​​ Aktvendimit​​ për Mospërmbarim​​ lidhur​​ me​​ Aktgjykimin​​ në rastin​​ KI86/18.​​ 

Në fund, përtej konstatimit të​​ mospërmbarimit​​ të​​ Aktgjykimit​​ të​​ lartcekur​​ në kundërshtim me nenin 116 të Kushtetutës​​ dhe​​ këtij njoftimi​​ për Prokurorinë e Shtetit, Gjykata Kushtetuese nuk ka kompetencë për vlerësimin e përgjegjësisë për moszbatimin​​ e​​ Aktgjykimeve​​ të​​ lartcekura nga autoritetet​​ përgjegjëse. I​​ takon​​ Prokurorisë së​​ Shtetit​​ që​​ të​​ ndërmarr​​ veprimet e mëtejme​​ sipas autorizimeve​​ ligjore, bazuar në Kodin Penal dhe atë të Procedurës Penale të Republikës së Kosovës.

Gjykata Kushtetuese e Republikës së Kosovës​​ mbetet e përkushtuar në realizimin e plotë të funksionit të saj​​ si gardian i​​ Kushtetutës dhe​​ mbrojtjes​​ së të drejtave​​ dhe lirive​​ të njeriut​​ të përcaktuara në Kushtetutë. Për realizimin e këtyre qëllimeve,​​ Gjykata Kushtetuese​​ mirëpret bashkëpunimin​​ Tuaj,​​ gjithmonë në interes të respektimit të kushtetutshmërisë dhe të​​ parimeve të​​ sundimit të ligjit në Republikën e Kosovës.​​ 

Me respekt,

Gresa Caka-Nimani

Kryetare​​ 

Bashkangjitur:

• Kopja e​​ Aktvendimit​​ për Mospërmbarim të Aktgjykimit KI86/18,​​ të Gjykatës Kushtetuese të Republikës së Kosovës, ​​​​ të​​ 13 shkurtit 2024.