Ju njoftojmë se më 20.12.2009, me ftesë të Kryetarit të Gjykatës Kushtetuese të Republikës së Kosovës, z. Enver Hasani do të arrijë në Kosovë për vizitë dy ditore një delegacion i lartë i Gjykatës Kushtetuese të Republikës së Turqisë i kryesuar nga z. Mustafa Baysal Kaya, gjyqtar dhe z. Mehmet Oguz, Sekretar i Përgjithshëm.
Të hënën më 21 dhjetor, të dy delegacionet respektive do të kenë takim në selinë e Gjykatës Kushtetuese në Prishtinë, ku do të priten nga Kryetari i Gjykatës z. Enver Hasani dhe Sekretarja e Përgjithshme znj. Arbëresha Raça-Shala.
Pritja tek Kryetari i Gjykatës bëhet me fillim nga ora 10:15, me ç’rast ftohen të gjitha mediet e Kosovës (ato të shkruara dhe elektronike) që t’a përcjellin nga afër këtë takim, i cili do të ketë në fokus bashkëpunimin dypalësh midis dy Gjykatave Kushtetuese.