Njoftim për medie

Të hënën, më 10 mars 2014, në Gjykatën Kushtetuese të Republikës së Kosovës do të mbahet seancë publike dëgjimore, në të cilën do të shqyrtohet kërkesa KI187/13, që për objekt të shqyrtimit ka: “Vlerësimi i kushtetutshmërisë për mospërmbarimin e Aktgjykimit të Kolegjit të Apelit të Gjykatës Supreme, për Agjencinë Kosovare të Pronës, GSK-KPA-A-001/12, të 8 majit 2012, dhe të Vendimit të Komisionit për Kërkesa Pronësore të Kosovës, nr. KPCC/D/A/114/2011, të 22 qershorit 2011”.

Në këtë seancë publike janë ftuar për të marrë pjesë parashtruesi i kërkesës, si dhe përfaqësuesit zyrtarë të Agjencisë Kosovare të Pronës (AKP).

Seanca publike do të fillojë në orën 10:00. Dyert e Gjykatores për pranimin e qytetarëve dhe të medieve të interesuara do të hapen në orën 09:30.